کۆمپانیای ئەپڵ یەکێک لە گەورەترین کۆمپانیا تەکنەلۆژیاکانی جیھان، سەرمایەکەی گەیشتە زیاتر لە ٣ ترلیۆن دۆلار.
ڕۆژی دووشەممە، لەگەڵ کردنەوەی بۆرسەکانی ئەمریکا، بەھای پشکەکانی کۆمپانیای ئەپڵ، ڕیکۆردی نوێی تۆمارکرد و گەیشتە سێ ترلیۆن دۆلار، کە بەھای ھەر پشکێک بە ڕێژەی لە ٢.٦% بەرزبووەوە و نرخی ھەر پشێک بە ١٨٢ دۆلار و ١٩ سەنت مامەڵەی پێوەکرا.
بەو جۆرەش کۆمپانیای ئەپڵ ناوی چووە مێژووی ئەو وڵاتەوە لە ڕووی تۆمارکردنی بەرزی بەھای پشکەکان. لە ساڵی ٢٠٢٠-یشدا بەھای پشکەکانی ئەو کۆمپانیایە گەیشتە دوو ترلیۆن دۆلار.
بەرزبوونەوەی بەھای پشکەکانی کۆمپانیاکە، پەیوەندی بە بەرزبوونەوەی خواست لەسەر کەلوپەل و ئامێرە ئەلیکترۆنییەکانیەتی لە کاتی بڵاوبوونەوەی پەتاکاندا.