نزیکەی ١٦ ملیار دینار بۆ ئیدارەی گەرمیان خەرج دەکرێت

2021-10-15
فۆتۆ: 
کوردسات نیوز
ئەنجومەنی وەزیرانی ھەرێم نزیکەی ١٦ ملیار دینار بۆ چەندین پرۆژەیەک لە ئیدارەی گەرمیان خەرج دەکات.

فەرمانگەی میدیا و زانیاریی حکومەتی ھەرێمی کوردستان رایگەیاندوە، ئەنجومەنی وەزیرانی ھەرێمی کوردستان بڕیاریدا بە تەرخانکردن و خەرجکردنی گوژمەی ١٥,٨٢٦,٠٠٠,٠٠٠پازدە ملیار و ھەشت سەد و بیست و شەش ملیۆن دینار بۆ جێبەجێکردنی چەندین پڕۆژە لە سێکتەرە جیاجیاکانی ڕێگەوبان، ئاو، تەندروستی، شارەوانیەکان، پەروەردە، ئاودێری، کارەبا وئاوەدانکردنەوە، لە ئیدارەی گەرمیان.


فەرمانگەی میدیا و زانیاری ئاماژەی بەوەکردووە، ئەو بڕە پارەیە بە شێوەی نەختینە و قۆناغ بە قۆناغ لەسەر بودجەی وەبەرھێنانی ئیدارەی گەرمیان خەرجدەکرێت.