هەمەڕەنگ

ئەو خواردن و خواردنەوانەی دەمانپارێزێت لە نەخۆشی بیرچوونەوە " زەهایمەر "


 

بەگوێرەی توێژینەوەیەكی نوێ‌ ئەو خوادرن و خواردنەوانەی ماددەی " فلافونۆڵ "  یان تێدایە  مرۆڤ دەپارێزن لە مەترسیی تووشبوون بە نەخۆشی  بیرچوونە و " زەهایمەر " .

 ماڵپەری " نیوز میدیكاڵ " بەپێی توژێنەوەیەكی نوێ‌ ڕایگەیاندووە ، " فلافونۆڵ " ماددەیەكی دژە ئۆكسانە  و بەوە ناسراوە كە سودێكی زۆری تەندورستی هەیە ،  ئەوانش وەك "  كەمكردنەوەی مەترسیی تیشكی خۆر  و جوانكردنی پیست و هەورەها وادەكات بەئاسانی برێكی زیاتر خوێن بچێت بۆ مێشك "  .

هەربە پێی ئەو توژینەوەیە كە لەسەر ٩٢١ كەسی تەمەن ٨١ ساڵ ئەنجامدراوە ، دەركەوتووە  ئەو كەسانەی خواردەمەنیی دەوڵەمەند بە ماددەی " فلافونۆڵ " دەخۆن  لە ساڵانی داوتری تەمەنیاندا مەترسی تووشبوونیان بە نەخۆشی زەهایمەر كەمتر دەبێت بە بەراورد بە كەسانی تر .

لە توێژینەوەكەشدا ئەوەش خراوەتەڕوو ، ئەو خۆراكانەی دەوڵەمەندن بە ماددەی فلافونۆڵ، پێكهاتوون لە " زەیتی زەیتوون ، دۆشاوی تەماتە ، چا ، سپیناخ ، كاكاو، و دارك چۆكلیت ".

زەهایمەر نەخۆشیەكە ڕەنگە بەهۆی پشێوی مێشكەوە دروست ببێت ، كە كاریگەری دەبێت لەسەر بیرەوەری و ڕەفتار و توانای چالاكی ڕۆژانەی كەسەكە .



3 مانگ پێشتر - Dec 11 2020 10:39AM
Print Friendly and PDF
زیاتر
12