هەمەڕەنگ

چاوەڕواندەكرێت یاداشتنامەكانی نیوتن بە هەزاران دۆلار بفرۆشرێت .



خانەی فرۆشتنی ئاشكرا " Sotheby's  " ئامادەكاری دەكات  بۆ فرۆشتنی  كۆمەڵێك  لە یاداشتنامەكانی " ئیساحق نیوتن " ، كە چاورەڕوان دەكرێت  بە هەزاران دۆلار بفرۆشرێت ،  هۆكارەكەشی دەگەڕێتەوە بۆ ئەوەی كۆمەڵێك زانیاری گرنگی پەیوەست بە شێوازی  دروستكردنی هەڕەمەكانی میسر  لە خۆدەگرێت .

بە پێی ڕاپۆرتێكی ڕۆژنامەی گاردیانی بەریتانی، لە یاداشتنامەكانی نیوتندا  توێژینەوەیەك ئەنجامدراوە ، كە تێدا هەوڵی داوە ئەو یەكە پێوانییانە ئاشكرا بكات كە  میسرییە كۆنەكان لە شێوازی دروستكردنی بینای هەڕمەكان بەكاریان هێناوە .

 هەر بەپێی راپۆرتەكە ، بۆچوونی نیوتن لەسەر میسرییە كۆنەكان  ئەوە بووە  كە توانایەكی یەكجار زۆریان هەبووە لە پێوانەكردنی هەسارەی زەوی ، هەروەها شیكردنەوەی یەكەی پێوانەی هەرەمە گەورەكە .

گابریل هیتون پسپۆری بوای هێڵكاری لە كۆمپانیای  Sotheby's   دەڵێت ، نیوتن هەوڵی ئەوەیداوە  بەڵگە لەسەر تیۆری هێزی  كێشكردنی زەوی بدۆزێتەوە ، بەڵام لەگەڵ ئەوەشدا لەو باوەڕەدا بووە كە  میسرییە كۆنەكان نهێنیەكانی زانستی كیمایان پاراستووە ، هەر لەو كاتەشەوە ونبوون .

هاوكات لە لیستی فرۆشتنی ئاشكراكەدا ئەوە ڕوونكراوەتەوە، ئەو تێبینیانەی كە بەشێكن  لە تۆڕە ئاڵۆزەكەی نیوتن ، بە شێوەیەكی سەرسوڕهێنەر  لێكۆڵینەوە لە " توێژینەوەی  پێكەوەبەستراوەكان  و فەلسەفەی سروشتی و كییما "  دەكات ، لەبەرئەوە ئەوانە تەنها بەش بوون کە  گونجاو بوون بۆ بڵاوكردنەوە .



3 مانگ پێشتر - Dec 9 2020 11:34AM
Print Friendly and PDF
زیاتر
12