نرخی نەوت بەرز دەبێتەوە

2021-09-09
فۆتۆ: 
کوردسات نیوز
نرخی نەوت ڕووی لە بەرزبوونەوە کرد و ھەندێک لەو زیانانەی قەرەبوو کردەوە کە بەھۆی خاوبوونەوەی بەرھەمی نەوت لە کەنداوی مەکسیکی ئەمریکا و دەستپێکردنەوەی چالاکییەکانی پاڵاوتن بەریکەوت.

نرخی نەوتی خاوی تەکساس بەڕێژەی ٠.٦٪ ڕووی لە بەرزبوونەوە کرد و بەرمیلێکی گەیشتە ٦٩ دۆلار و ١١ سەنت .


نەوتی خاوی برێنت بە ڕێژەی ٠.٥٪ بەرزبۆوە و بەرمیلێکی گەیشتە ٧٢دۆلار و ٦٤ سەنت .


تائێستاش بەرھەمھێنەران لە کەنداوی مەکسیک ھەوڵدەدەن دەست بە پرۆسەکانی بەرھەمھێنان بکەنەوە، لە دوای نۆ ڕۆژ لە ھەڵکردنی زریانی ئایدا لە ناوچەکە کە ڕەشەبایەکی توند و بارانێکی بەلێزمەی لەگەڵدا بوو.