عێراق

كۆمسیۆنی هەڵبژاردن لە عێراق بەردەوامە لە ئامادەكارییەكان بۆ هەڵبژاردنی پێشوەخت


كۆمسیۆنی هەڵبژاردن لە عێراق بەردەوامە لە ئامادەكارییەكان بۆ هەڵبژاردنی پێشوەخت، تا ئێستاش ١٣ ملیۆن كارتی بایۆمەتری دابەشكردووە.

كۆمسیۆنی باڵای سەربەخۆی هەڵبژاردنەكانی عێراق لە ڕاگەیەنراوێكدا ئاماژەی بۆ ئەوەكردووە، هەڵبژاردنی پێشوەخت لە ماوەی دیاریكراوی خۆی لە ١٠ی تشرینی یەكەمی ٢٠٢١ ئەنجام دەدرێت و لە ڕووی یاساییەوە ناكرێت گۆڕانكاری بەسەر وادەی هەڵبژاردندا بێت، بۆ ئەو مەبەستەش هەموو ئامادەكارییەكانی تەواو كردووە.

لە بەشێكی تری ڕاگەیەنراوەكەدا هاتووە، تا ئێستا ١٣ ملیۆن كارتی بایۆمەتری دەنگدانی لە هەموو ئۆفیسەكانی پارێزگاكان دابەشكردووە.

جەختی لەوەش كردووەتەوە، ١٧ی ئەم مانگە دوا وادەیە بۆ تۆماركردنی ناوی كاندیدەكانی هەڵبژاردن، هەروەها مانگی ئایاری داهاتووش دوا وادەیە بۆ تۆماركردنی هاوپەیمانی نێوان لایەنە سیاسییەكان بۆ بەشداریكردن لە هەڵبژاردن.

هەفتە پێشتر - Apr 8 2021 7:50PM
Print Friendly and PDF
زیاتر