عێراق

هاوپەیمانی فەتح: كوتلە سیاسییەكان لەگەڵ هەمواركردنەوەی یاسای هەڵبژاردنەكانن


هاوپەیمانی فەتح دەڵێت، جموجۆڵی كوتلە سیاسییەكان دەستیپێكردووە بە مەبەستی هەمواركردنەوەی چەند بڕگەیەكی یاسای هەڵبژاردنەكان.

موختار موسەوی ئەندامی هاوپەیمانی فەتح لە ئەنجومەنی نوێنەرانی عێراق، ڕایگەیاند، چەند كوتلەیەكی سیاسیی، لە هەوڵی هەمواركردنەوەی یاسای هەڵبژاردنەكاندان، بە تایبەتی هەمواركردنەوەی فرەبازنەیی و سیستمی دەنگدانی بایۆمەتری.

ڕوونیشیكردەوە، زۆربەی پەرلەمانتاران، لەگەڵ شێوازی دابەشكردنی فرە بازنەییدا نین، پێشبینیشی كرد، چەند بڕگەیەكی یاسای هەڵبژاردنەكان لە دانیشتنەكانی داهاتووی ئەنجومەنی نوێنەرانی عێراقدا، هەموار بكرێتەوە.

پێشتریش، ژمارەیەك پەرلەمانتار هۆشدارییان دابوو لە ئەنجامدانی ساختەكاریی لە هەڵبژاردنی پێشوەخت لە عێراق، كە بڕیارە لە مانگی تشرینی یەكەمی داهاتوودا، بەڕێوەبچێت.

هەفتە پێشتر - Apr 7 2021 7:41PM
Print Friendly and PDF
زیاتر