کوردستان

ڕێکخراوی ئیبراھیم ئەحمەد فاوەندەیشن ئاگادارییەک بڵاودەکاتەوە


ڕێکخراوی ئیبراھیم ئەحمەد فاوەندەیشن دەربارەی خەڵاتی زێرینی بلە ئاگادارییەک بڵاوکردەوە و تێیدا ڕایگەیاند "کوردستانیانی ئازیز و خۆشەویست بە لەبەرچاوگرتنی بارودۆخی سەرلەنوێ بڵاوبوونەوەی پەتای نەگریسی كۆرۆنا و وەک پابەندبوون بە ڕێنماییە تەندوروستیەكان، ‌بڕیارماندا ئەمساڵ مەراسیمی خەلاتی بلە ساز نەكەین".

ڕێکخراوەکە ئاماژەی بەوەشداوە، ژیانی هاوولاتیانیان لا بەنرخترە و وێستگەی زۆرتریان لە پێشە بۆ  مەراسیمی شایانی خەڵات و خزمەت.

جێی ئاماژەیە، ساڵانە لە هەشتی نیساندا ئیبراهیم ئەحمەد فاوەندەیشن خەڵاتی زێرینی بلە پێشكەش بە چەندین كەسایەتی ‌و ڕێكخراو دەكات كە لە بوارە جیاجیاكاندا كەلێنێكی دیاریان لە ژیانی كوردبوونمان پڕکردووەتەوە و خزمەتی گەلەکەمانیان کردووە.



هەفتە پێشتر - Apr 7 2021 7:13PM
Print Friendly and PDF
زیاتر