عێراق

ئیماڕات بەبڕی ٣ ملیار دۆلار وەبەرھێنان لەعێراق دەکات


مستەفا کازمی سەرۆک وەزیران کۆتایی بەسەردانەکەی بۆ ئیماڕات ھێناو حکومەتی ئەو وڵاتە بەنیازە، بەبڕی ٣ ملیار دۆلار، وەبەرھێنان لە عێراقدا بکات.
نووسینگەی سەرۆک وەزیرانی عێراق لە راگەیاندراوێکدا، بڵاویکردەوە: پاش زنجیرەیەک دیدارو کۆبوونەوەی رەسمیی لەگەڵ لێپرسراوانی باڵای حکومەتی ئیماڕات، مستەفا کازمی سەرۆک وەزیرانی عێراق، کۆتایی بەسەردانەکەی بۆ ئەو وڵاتە ھێناو، گەڕایەوە بەغداد.
لە ڕاگەیاندراوەکەدا ئاماژە بەوەشدراوە: لێپرسراوانی حکومەتی ئیماڕات بەڵێنیان بەسەرۆک وەزیران داوە، لە داھاتوویەکی نزیکداو بەبڕی ٣ ملیار دۆلار، وەبەرھێنان لە عێراقدا بکەن.
وەک کاردانەوەیەکیش لەبەرامبەر سەردانەکەی مستەفا کازمی سەرۆک وەزیران بۆ سعودییەو ئیماڕات، موقتەدا سەدر سەرۆکی ڕەوتی سەدر لە تویتێکدا، ڕایگەیاند: کرانەوەی عێراق بە ڕووی وڵاتانی عەرەبی، ھەنگاوێکی گرنگ و مێژووییە، وتیشی :عێراق پەیوەندییەکی دێرینی لەگەڵ سعودیەو ئیماڕات ھەیە .


هەفتە پێشتر - Apr 5 2021 9:26AM
Print Friendly and PDF
زیاتر