عێراق

لە عێراق هەوڵی كوشتنی یاریدەدەری بەڕێوەبەری هەواڵگری سەربازی دەدرێت


یاریدەدەری بەڕێوەبەری هەواڵگری سەربازی لە وەزارەتی بەرگری عێراق لە هەوڵێكی كوشتن ڕزگاری دەبێت، لە كاتێكدا ئامانجی تەقەكەرەكان نەبووە.

ئاژانسی هەواڵی عێراق بڵاویكردەوە، عەمید ڕوكن زەید مەكسوسی یاریدەدەری بەڕێوەبەری هەواڵگری سەربازی لە وەزارەتی بەرگری لە نزیك پردی دیالە لە باشوری بەغداد لە هەوڵێكی كوشتن ڕزگاری بووە.

ڕوونیشیكردووەتەوە، گروپێك چەكداری یەكێك لە هۆزەكان بۆسەیان داناوە بۆ سەرۆك هۆزێكی تر كە ناكۆكی كۆن لە نێوانیاندا هەبووە و لە كاتی تێپەڕبوونی ئۆتۆمبێلە سەربازییەكەی یاریدەدەری بەڕێوەبەری هەواڵگری تەقەیان لێكردووە و وایانزانیووە سەرۆك هۆزەكەیە.

سەرچاوەیەك بە ئاژانسی هەواڵی عێراقی وتووە، ڕووبەڕووبوونەوە لە نێوان هەردوولا ڕوویداوە و زەید مەكسوسی بە بێ‌ زیان ڕزگاری بووە، دوای ڕووداوەكەش هێزە ئەمنییەكان ٣ كەسیان لە گروپەكە دەستگیركردووە.

هەفتە پێشتر - Apr 3 2021 2:26PM
Print Friendly and PDF
زیاتر