عێراق

عێراق و لوبنان ڕێككەوتنی نەوت بەرامبەر خزمەتگوزاری تەندروستی ئیمزا دەكەن


عێراق و لوبنان ڕێككەوتنی نەوت لە بەرامبەر خزمەتگوزاری تەندروستی ئیمزا دەكەن، بە پێی ڕێككەوتنەكەش عێراق لە بەرامبەر بەدەستهێنانی خزمەتگوزاری تەندروستی نەوت دەدات لوبنان.

حەسەن تەمیمی وەزیری تەندروستیی و ژینگەی عێراق، كە ئێستا لە لوبنانە، ڕایگەیاند، لەگەڵ لوبنان ڕێككەوتنێكیان ئیمزا كردووە، بۆ بەرزكردنەوەی ئاستی كەرتی تەندروستی هەردوو وڵات.

لەو چوارچێوەدا لوبنان خزمەتگوزاری پزیشكی پێشكەشی دامەزراوە تەندروستییەكانی عێراق دەكات، لە بەرامبەریشدا عێراق بڕی ٥٠٠ هەزار تۆن نەوت، كە دەكاتە نزیكەی سێ ملیۆن و ٥٠٠ هەزار بەرمیل نەوت، هەناردەی لوبنان دەكات، كە ئێستا لوبنان بەدەست كەمی سووتەمەنی بۆ كاركردنی وێستگەكانی كارەبا دەناڵَێنێت و بەهۆیەوە سەعاتەكانی پێدانی كارەبا لەو وڵاتە كەمبووەتەوە.

هەفتە پێشتر - Apr 3 2021 9:37AM
Print Friendly and PDF
زیاتر