عێراق

فڕۆكە جەنگییەكانی هاوپەیمانان هێرشێكی ئاسمانی لە سەڵاحەدین ئەنجام دەدەن


فڕۆكە جەنگییەكانی عێراق و هاوپەیمانی نێودەوڵەتی چەند مۆڵگەیەكی داعش لە سنوری پارێزگای سەڵاحەدین بۆردومان دەكەن و دوو تیرۆریستی داعش دەكوژن.

شانەی ڕاگەیاندنی ئەمنی عێراق بڵاویكردەوە، بە فەرمانی فەرماندەیی ئۆپراسیۆنە هاوبەشەكان، فڕۆكە جەنگییەكانی هاوپەیمانی نێودەوڵەتی هێرشێكی ئاسمانییان لە دۆڵی سەرسار لە سنوری پارێزگای سەڵاحەدین ئەنجامداوە و لە ئاكامدا دوو ئەشكەوت وێران كراون و دوو تیرۆریستیش كوژراون.

ڕوونیشیكردووەتەوە، فڕۆكە جەنگییەكانی هاوپەیمانان گورزێكی ئاسمانییان لە ناوچەی (متێبیجە) وەشاندووە و دوو مۆڵگەی تیرۆریستانیان لەناوبردووە.

هەفتە پێشتر - Apr 2 2021 2:21PM
Print Friendly and PDF
زیاتر