تەکنەلۆژیا

حکومەتی چین بەکارهێنانی پڕۆگرامی (Tripadvisor) لەو وڵاتە ڕادەگرێت


بە پێی هەواڵێکی ئاژانسی (CNN)، لە میانی هەڵمەتێکیدا بۆ خاوێنکردنەوەی تۆڕی ئینتەرنێتی وڵاتەکەی، حکومەتی چین بڕیاری داوە بەکارهێنانی ژمارەیەک پڕۆگرام ڕابگرێت لەناویشیاندا پڕۆگرامی زەبەلاحی گەشتکردنی ئەمریکی ناسراو بە 

"تریپ ئەدڤایسەر".

لە ڕاگەیەندراوێکدا بەڕێوەبەرایەتی جیهانی ئەلیکترۆنی چین ئاماژەی بەوە داوە کە بەکارهێنانی ١٠٥ پڕۆگرامی ئەلکترۆنی لە وڵاتەکە ڕاگرتووە بە هۆکاری ئەوەی لە ڕوانگەی حکومەتی چینەوە نایاسایین و بە مەترسی دادەنرێن بۆ ئاسایشی نیشتیمانی چین.

جێی ئاماژەیە، زۆربەی پڕۆگرامە لە کارخراوەکان لەلایەن کۆمپانیا ناوخۆییەکانی چینەوە خاوەندارییەتی دەکرێن و تا ئێستا ڕوون نیە و جێی سەرنجە کە پڕۆگرامی ئەمریکی "تریپ ئەدڤایسەر" کەوتووەتە ناو ئەو هەڵمەتەوە لە کاتێکدا کە تەنها پڕۆگرامێکی ڕێنیشاندەری گەشتیاریە و ڕێنمایی گەشتیاران دەکات لە هەڵبژاردنی هۆتێل و ناوچە گەشتیاریە باوەکان.

لە بەرامبەریشدا کۆمپانیای "تریپ ئەدڤایسەر" کە بارەگای سەرەکی لە ویلایەتی "ماسەچیوستس"ی ویلایەتە یەکگرتووەکانی ئەمریکایە، تا ئێستا هیچ کاردانەوەیەکی نەبووە چاوەڕێی ڕوونکردنەوەی لێپرسراوانی چینە لەبەر ئەوەی تا ئەمڕۆش پڕۆگرامەکە لە وڵاتی چین کارایە.



3 مانگ پێشتر - Dec 8 2020 3:41PM
Print Friendly and PDF
زیاتر
1