جیهان

هاوسەرۆكی شارەوانی گەڤەر لە باكوری كوردستان سزای زیندانیكردنی بەسەردا سەپێنرا


بە پێی هەواڵی میدیاكانی باكوری كوردستان، "عیرفان ساری" هاوسەرۆكی شارەوانی گەڤەر سزای زیندانی ٦ ساڵ و ٣ مانگی بەسەردا سەپێنراوە.

ئەوەش لە كاتێكدایە لە دانیشتنی ٩ی ئازاری ٢٠٢٠دا بە بیانوی ئەندامیەتی ڕێكخستن و پڕوپاگەندە بۆ پەکەکە، عیرفان ساری لە پۆستی شارەوانی گەڤەر دوورخرایەوە و قەیوم لە جێگەی دانرا، هاوكات لە سێیەمین دادگای سزا قورسەكانی جۆلەمێرگدا بڕیاری ساڵێك و ٣ مانگ زیندانی بەسەردا سەپێنرا، بەڵام دواتر ئازادكرا و بڕیارەكە لەلایەن سێیەمین دادگای سزا قورسەكان بۆ دادگای هەرێمی وان ڕەوانەكرا.

لە ئێستاشدا دادگای وان بە بیانوری ئەندامیەتی ڕێكخستن، ٦ ساڵ و ٣ مانگی زیندانی بەسەردا سەپاندووە، لە بەرامبەردا پارێزەرەكەی ناڕەزایی دژ بەو بڕیارە دەربڕیوە.

مانگ پێشتر - Mar 4 2021 8:23PM
Print Friendly and PDF
زیاتر