جیهان

بۆریس جۆنسن: لەندەن كوژرانی جەمال خاشقچی ئیدانە كردووە


بۆریس جۆنسن سەرۆك وەزیرانی بەریتانیا دەڵێت، لەندەن لە چەندین بۆنەدا، كوشتنی جەمال خاشقچی ڕۆژنامەنووسی سعودیەی، ئیدانە كردووە.

سەرۆك وەزیرانی بەریتانیا ڕایگەیاند، حكومەتی بەریتانیا كوژرانی جەمال خاشقچی ئیدانە كردووە و داواش كراوە لێكۆڵینەوەی ورد و بێلایەن بكرێت سەبارەت بەو كەسانەی لە ڕووداوی تیرۆركردنی ڕۆژنامەنووسە سعودییەكەوە تێوەگلاون.

سەبارەت بەوەی حكومەتی بەریتانیا تا چەند پابەند دەبێت بە هەڵپەساردنی گرێبەستە سەربازییەكان لەگەڵ سعودیە، لە چوارچێوەی بەردەوام بوونی جەنگ و توندوتیژیی و قەیرانی مرۆیی لە یەمەن، بۆریس جۆنسن ئاماژەی بەوەكرد، لەندەن بە پێی یاسا و پێوەرە نێودەوڵەتییەكان، چەك و كەلوپەلی سەربازیی بە وڵاتانی جیهان دەفرۆشێت.

مانگ پێشتر - Mar 3 2021 8:31PM
Print Friendly and PDF
زیاتر