جیهان

رووسیا ١٤٥ منداڵی داعش لە عێراق و سوریاوە وەردەگرێتەوە


رووسیا ١٤٥ منداڵی داعش لە عێراق و سوریاوە دەگەڕێنێتەوە بۆ وڵاتەکەی.

ئانا کۆسنیستۆڤا سەرۆکی کۆمسیۆنی رووسیا بۆ مافەکانی منداڵان رایگەیاند، لە سەرەتای بڵاوبوونەوەی ڤایرۆسی کۆرۆناوە تائێستا، بە ھەماھەنگی لەگەڵ حکومەتەکانی عێراق و سوریا و بە شەش گەشت، ١٤٥ منداڵی تیرۆرستانی داعشیان لە عێراق و سوریاوە گەڕاندووەتەوە بۆ روسیا. 

راشیگەیاند، قورسە بە ڕوونی بزانرێت چەند منداڵی داعشی بە رەگەز رووسی لە سوریا و عێراق ماوون، بەڵام بەڵگەنامەی ١٠٥ منداڵی تریان ئامادەکردووە، بۆئەوەی بیانگەرێننەوە بۆ رووسیا.

دوای تێکشکانی گرووپی تیرۆرستی داعش لە عێراق و سوریا، خێزان و منداڵانی سەدان تیرۆرستی داعش کەوتنە دەست ھێزەکانی عێراق و ھێزەکانی ھەسەدە و تائێستاش بەشێک لە منداڵانی داعش گەرێندراونەتەوە بۆ وڵاتەکانیان.



مانگ پێشتر - Mar 3 2021 11:36AM
Print Friendly and PDF
زیاتر