عێراق

بنکەی سەربازی عەین ئەسەد موشەکباران کرا


بنکەی سەربازی "عەین ئەسەد" لە ئەنبار مووشەکباران کرا و ھاوپەیمانی نێودەوڵەتیش راپۆرتێکی سەرەتایی لەسەر ئەو ھێرشە بڵاوکردەوە. 

میدیاکانی عێراق رایانگەیاند، ژمارەیەک مووشەک لە بنکەی ئاسمانی "عەین ئەسەد" کەوتوونەتە خوارەوە و لە ناوچەی "بەیادر" لەسەر رێگای نێوان "ھیت و بەغدادی"وە ئاڕاستە کراون. 

"واین ماروتو" وتەبێژی ھاوپەیمانی نێودەوڵەتیش لە تویتەر نوسی، سەعات ٧:٢٠ خولەکی بەیانی ئەمڕۆ ١٠ مووشەک ئاڕاستەی ئەو بنکەیە کراون و ھێزە عێراقییەکان لێکۆڵینەوەی زیاتر دەکەن. 

"تەحسین خەفاجی" وتەبێژی ئۆپراسیۆنە ھاوبەشەکانی عێراقیش وتی، مووشەکەکان لە دەوربەری بنکەی "عەین ئەسەد" کەوتوون و ھێرشەکە زیانی گیانی نەبووە.

دوای ھێرشە مووشەکییەکی سەر ھەولێر، ئەوە دووەمین ھێرشە لە ماوەی کەمتر لە مانگێکدا بکرێتە سەر ئەو بنکە سەربازییانەی عێراق کە ھێزەکانی ئەمریکا و ھاوپەیمانانی تێدا جێگیرکراوە.



مانگ پێشتر - Mar 3 2021 9:52AM
Print Friendly and PDF
زیاتر