جیهان

كۆنگرەیەكی نەتەوە یەكگرتووەكان سەبارەت بە یەمەن شكستی هێنا


نەتەوە یەكگرتووەكان بێهیوای خۆی پیشاندا لە ئەنجامەكانی كۆنگرەی تایبەت بە كۆكردنەوەی هاوكاری دارایی بۆ یەمەن و بڕیاریدا كۆنگرەیەكی تر رێكبخات.

مارك لوكوك بریكاری ئەمینداری گشتی نەتەوە یەكگرتووەكان بۆ كاروباری مرۆیی ڕایگەیاند، لە كۆنگرەی ڕاگەیاندنی بەڵێنە داراییەكان كە چەندین وڵاتی ئەوروپی بەشدارییان تێدا كرد، ‏بریار بوو زیاتر لە ٤ ملیار دۆلار بۆ منداڵانی یەمەن كۆبكرێتەوە لە پێناو ڕێگریكردن لە سەرهەڵدانی برسیەتی لەو وڵاتە، بەڵام تەنها ملیارێك و ٦٧٠ ملیۆن دۆلار كۆكراوەتەوە.

وتیشی، ئەنجامەكانی كۆنگرەكە مایەی بێهواییە و ئەستەمە بەو بڕە هاوكارییە بتوانرێت ڕێگری لەسەرهەڵدانی برسیەتی لەو وڵاتە بكرێت. وتیشی، پێویستە لە چەند مانگی داهاتوودا كۆنگرەیەكی تر بۆ هاوكاریكردنی یەمەن ڕێكبخەن.

مانگ پێشتر - Mar 2 2021 2:14PM
Print Friendly and PDF
زیاتر