جیهان

پنتاگۆن: لە هێرشەكەی سەر حزبوڵای عێراق چەكدارێك كوژراوە و دووانی تریش برینداربوون


وەزارەتی بەرگری ئەمریكا ئاشكرایكرد، لە و هێرشە ئاسمانییەی ڕۆژی پێنجشەممەی ڕابردوو كرایە سەر پێگەكانی حزبوڵای عێراقی لە شاری بوكەمالی خۆرهەڵاتی سوریا، چەكدارێك كوژراوە و دووانی تریش برینداربوون.

(جۆن كێربی) وتەبێژی وەزارەتی بەرگری ئەمریكا "پێنتاگۆن" ڕایگەیاند لە هێرشەكەدا جگە لە زیانە گیانییەكان نۆ بینا وێرانكراون و لێكۆڵینەوەكانیش لە بارەی هێرشەكەوە بەردەوامن.

وتیشی، ئامانج لەو هێرشانە لەناوبردنی بنكە و بارەگای گروپە چەكدارەكان بووە لەسەر سنوری عێراق و سوریا، هاوكات وەڵامێكیش بووە بۆ ئەو هێرشە مووشەكییەی كرایە سەر شاری هەولێر.

وتەبێژی وەزارەتی بەرگری ئەمریكا ڕاشیگەیاند، هیچ كات ئەمریكا نەرمی نانوێنێت بەرامبەر ئەو كەسانەی دەبنە مەترسی بۆ بەرژەوەندی وڵاتەكەیان.

مانگ پێشتر - Mar 2 2021 9:37AM
Print Friendly and PDF
زیاتر