جیهان

نەتەوە یەکگرتووەکان داوا دەکات ھاوکاری یەمەن بکرێت


بە مەبەستی گەیاندنی ھاوکاریی مرۆیی بەپەلە بۆ یەمەن، رێکخراوی نەتەوە یەکگرتووەکان داوای دابینکردنی زیاتر لە ٣ ملیار دۆلار، دەکات.

پێش بەڕێوەچوونی کۆنگرەی وزاریی تایبەت بە کۆکردنەوەی ھاوکاری دارایی بۆ یەمەن، رێکخراوی نەتەوە یەکگرتووەکان، لە ڕاگەیاندراوێکدا، بڵاویکردەوە: نەتەوە یەکگرتووەکان پێشبینی دەکات لەمساڵدا ھاوکاری مرۆیی بۆ نزیکەی ١٦ ملیۆن ھاوڵاتی لە یەمەن، دابین بکرێت. داواشی لە وڵاتانی کۆمەک بەخش کرد، نزیکەی ٣ ملیارو ٨٥ ملیۆن دۆلار بۆئەو مەبەستە، رادەستی رێکخراوی نەتەوە یەکگرتوەکان، بکەن.

لە ڕاگەیاندراوەکەدا باس لەوەشکراوە: سێ یەکی دانیشتوانی یەمەن پێویستیان بە ھاوکاری مرۆیی ھەیە بۆئەوەی بتوانن لەژیاندا بمێننەوە، روونیشیکردەوە: نزیکەی نیوەی منداڵانی یەمەن بەتایبەت خوار تەمەن پێنج ساڵان، ڕووبەڕووی کەم خۆراکیی زۆر بونەتەوە، ئەگەر ھاوکاری مرۆیی بەپەلەشیان بۆ دابین نەکرێت، زیاتر ٤٠٠ ھەزار منداڵ، بەھۆی برسێتیی گیان لەدەست دەدەن.


مانگ پێشتر - Mar 1 2021 12:46PM
Print Friendly and PDF
زیاتر