جیهان

ئێران پێشنیازێکی ئەوروپا بۆ کۆبوونەوە لەسەر ڕێککەوتنی ئەتۆمی ڕەتدەکاتەوە


ئێران پێشنیازێکی ئەوروپا بۆ کۆبوونەوەیەکی ناڕەسمی بە بەشداری ئەمریکا سەبارەت بە رێککەوتنی ئەتۆمی ڕەتدەکاتەوە. 
وەزارەتی دەرەوەی ئێران ڕایگەیاند، " تاران" پێیوایە ئەنجامدانی کۆبوونەوەی ناڕەسمی ٤+١ لە ئێستادا سەبارەت بە رێککەوتنی ئەتۆمی و بە بەشداری ئەمریکا گونجاو نییە، چونکە ئەوروپا و ئیدارەی نوێی ئەمریکا ھیچ ھەڵوێستێکیان نەبووە و سیاسەتی فشاریان ڕانەگرتووە و بەڵێنیشیان نەداوە بە پابەندبوون بە سەرجەم بەڵێنەکانیان و بڕیاری ژمارەی ٢٢٣١. وەزارەتی دەرەوەی ئێران جەختیشی کردەوە لەوەی، جێبەجێکردنی بەڵێنەکان پێویستی بە دانیشتن و گفتوگۆ نییە. 
کۆشکی سپیش نیگەرانی دەربڕیوە لەوەی ئێران ئەو پێشنیازەی ئەوروپای لە پێناو بوژانەوەی ڕێککەوتنە ئەتۆمییەکە ڕەتکردووەتەوە، لەگەڵ ئەوەشدا ئامادەیی ئەمریکای دووپاتکردەوە بۆ گرتنەبەری ڕێگە چارەی دیبلۆماسی لەسەر ئەو پرسە. 



مانگ پێشتر - Mar 1 2021 10:33AM
Print Friendly and PDF
زیاتر