عێراق

تا ئێستا ٣٠ هاوپەیمانی بۆ هەڵبژاردنی پێشوەخت لە عێراق پەسەندكراون


تا ئێستا ٣٠ هاوپەیمانی بۆ هەڵبژاردنی پێشوەخت لە عێراق پەسەندكراون، چاوەڕوانیش دەكرێت ژمارەی هاوپەیمانییەكان زیاد بكات.

كۆمسیۆنی باڵای سەربەخۆی هەڵبژاردنەكانی عێراق ڕایگەیاند، لە چوارچێوەی ئامادەكارییەكان بۆ هەڵبژاردنی پێشوەخت لە عێراق، تا ئێستا ٢٤٩ حزب و لایەنی سیاسی ناوی خۆیان بۆ بەشداریكردن لە هەڵبژاردن تۆماركردووە، ٥٨ حزبی تریش لە قۆناغی دامەزراندندان، هاوكات ٥٩ هاووڵاتیش وەك كاندیدی سەربەخۆ ناویان تۆمار كردووە.

ئاماژەی بۆ ئەوەشكردووە، تا ئێستا ٣٠ هاوپەیمانی بۆ بەشداریكردن لە هەڵبژاردن پەسەندكراون، ٨ هاوپەیمانی تریش لە قۆناغی پەسەندكردندان، ٧ هاوپەیمانی تریش داوایان پێشكەشی كۆمسیۆن كردووە.

بە پێی بڕیاری سەرۆكی ئەنجومەنی وەزیرانی عێراق، بڕیارە لە ١٠ی تشرینی یەكەمی ئەمساڵ پڕۆسەی هەڵبژاردنی پێشوەخت لە عێراق بەڕێوەبچێت.

3 ڕۆژ پێشتر - Feb 23 2021 1:09PM
Print Friendly and PDF
زیاتر