داوا دەكرێت پڕۆژەیاسای بودجە بە بێ پشكی كورد پەسەند بكرێت
.jpg)
ژمارەیەك لە ئەندامانی ئەنجومەنی نوێنەران داوا دەكەن بە بێ پشكی كورد دەنگ لەسەر پڕۆژەیاسای بودجە بدرێت و پەسەند بكرێت.
مەنسور بەعێجی ئەندامی ئەنجومەنی نوێنەرانی عێراق ڕایگەیاند، كۆدەنگییەك دروستبووە لەسەر ئەوەی ناكرێت لەوە زیاتر دەنگدان لەسەر پڕۆژەیاسای بودجە دوابخرێت كە لە بنەڕەتدا زیاتر لە دوو مانگە دواكەوتووە و پێویستە لە نزیكترین كاتدا دانشتنێكی تایبەت ڕێكبخرێت بۆ ئەوەی دەنگی لەسەر بدرێت و بە زۆرینە پەسەند بكرێت.
وتیشی، لیژنەی دارایی سەرجەم كارەكانی لەسەر پڕۆژەیاسای بودجەی ٢٠٢١ی عێراق تەواو كردووە و تەنها پشكی هەرێم ماوە، بۆیە داوا دەكەن پڕۆژەیاساكە بخرێتە دەنگدانەوە و تێپەڕێنرێت بە بێ ئەوەی دەنگ لەسەر پشكی هەرێم بدرێت.
|