بەھۆی جێبەجێنەکردنی ماددەیەکی یاسایی، پەرلەمانتارێک لە دادگای باڵای فیدراڵی، سکاڵا لەسەر وەزارەتی دارایی عێراق تۆمار دەکات.
مستەفا سەنەد پەرلەمانتاری سەربەخۆ لە ئەنجومەنی نوێنەرانی عێراق رایگەیاندووە، بەپێی ماددەیەکی یاسایی کە بریتییە لە ماددەیەکی یاسایی کە باس لەوە دەکات ئەگەر نرخی یەک بەرمیل نەوت بگاتە سەرووی ٧٠ دۆلار، ئەوا ٣٠٪ی زیادەی ئەو داھاتە دەدرێتە بە پارێزگا بەرھەمھێنەرەکانی نەوت.
ئاماژەی بەوەشکردووە، لە ساڵی ٢٠٢٣دا زیادەی داھاتی نەوت لە سەرووی ٧٠ دۆلارەوە سێ ملیار دۆلار بووە، کە پێویست بوو دوو ملیاری بۆ پارێزگای بەسرە بێت و یەک ملیار دۆلارەکەی تریش دابەشبکرێت بەسەر پارێزگاکانی کەرکوک، بەغداد، میسان و زیقار و واست و نەینەوا، بەڵام وەزارەتی دارایی عێراق ئەو ماددە یاساییەی جێبەجێنەکردووە، بۆیە لە دادگای باڵای فیدراڵی سکاڵای لەسەر تۆمارکردووە.