وەزیرانی پلاندانانی ھەرێم و عێراق دەربارەی سەرژمێری گشتی کۆبوونەوە

2023-12-11   |  
فۆتۆ: 
کوردسات نیوز
د. دارا ڕەشید وەزیری پلاندانانی حکومەتی ھەرێم و د.محەمەد عەلی تەمیم وەزیری پلاندانانی عێراق، تایبەت بە ئامادەکارییەکان بۆ سەرژمێری گشتی لە عێراق و ھەرێمی کوردستان لەبەغداد کۆبوونەوە.

راگەیاندنی وەزارەتی پلاندانانی ھەرێم بڵاویکردەوە، لە دیدارەکەدا گفتوگۆ لەبارەی ئامادەکارییەکانی سەرژمێری گشتی دانیشتووان لە عێراق و ھەرێم کرا، کە بڕیارە مانگی تشرینی دووەمی ساڵی داھاتوو ئەنجامبدرێت.

لای خۆیەوە، وەزیری پلاندانانی ھەرێم رایگەیاند، ھەرێمی کوردستان پشتیوانی ئەو سەرژمێریە دەکات، کە بۆ گەشەپێدان و پێشخستنی وڵاتە، بەشێوەیەک کە دووربێت لە مەرامی سیاسی و دەستێوەردان.

ھەروەھا، ھیوای خواست سەرژمێرییە گشتییەکە لەسەر بنەمای  ئەو پلانە و ھەماھەنگییە ئەنجامبدرێت کە لەنێوان ھەردوولادا ھەیە و تەواوی کێشە و گرفتەکانی بەردەمیشی چارەسەربکرێت.