سەرۆک کۆماری عێراق لە پایتەختی قوبرس بە رێوڕەسمێکی رەسمی پێشوازی لێکرا

2023-12-11   |  
فۆتۆ: 
کوردسات نیوز
د.لەتیف رەشید سەرۆک کۆماری عێراق لە نیقۆسیای پایتەختی قوبرس بە رێورەسمێکی رەسمی پێشوازی لێکرا و لەگەڵ سەرۆکی ئەو وڵاتە پەیوەندییەکانی ھەردوو وڵات تاوتوێ دەکات.

لەسەر بانگھێشتی رەسمی نیکۆس خریستۆدۆلیدس سەرۆکی قوبرس، د.لەتیف رەشید سەرۆک کۆماری عێراق سەردانی ئەو وڵاتەی کرد  و لەکۆشکی سەرۆکایەتی پێشوازی لێکرا.

دواتر سەرۆک کۆماری عێراق تاجە گوڵینەی لەسەر پەیکەری یەکەمین سەرۆک کۆماری قوبرس ئەلقۆس ماکاریۆسی سێیەم دانا.

لەو سەردانەدا، بڕیارە سەرۆک کۆماری عێراق لەگەڵ ھاوتا قوبرسییەکەی کۆببێتەوە و پەیوەندییە دووقۆڵییەکانی نێوان عێراق و قوبرس و رێگاکانی پەرەپێدانیان تاوتوێ بکەن، بە ئامانجی بەدیھێنانی بەرژەوەندییە ھاوبەشەکانی ھەردوو وڵات.