شاڵاو کۆسرەت رەسول سەردانی سەنگاو دەکات

2023-12-02   |  
فۆتۆ: 
کوردسات نیوز
سەرلەبەیانی ئەمڕۆ شەممە ٢/١٢/٢٠٢٣ شاڵاو کۆسرەت رەسول سەردانی سەنگاوی کرد و لەگەڵ خزمانی سنوورەکە کۆبووەوە.

لەمیانی وتەیەکیدا شاڵاو کۆسرەت رەسول باسی لە ھەڵبژاردنی ئەنجومەنی پارێزگای کەرکووکی کردو داوای کرد، ھەموو کەرکووکییەکان بەشداری دەنگدان بکەن و پارێزگاری لە ناسنامەی کوردستانی بوونی کەرکووک بکەن.

شاڵاو کۆسرەت رەسول وتیشی، کەرکووکییەکان شاھێدن کە چۆن لە رۆژانی سەخت یەکێتی فریادڕەسی کەرکووکییەکان بووە، بۆ داھاتووش ھەر یەکێتی دەتوانێ خزمەتی شارەکە و خەڵکە تێکۆشەرەکەی بکات.
لەکۆتایی قسەکانیدا شاڵاو کۆسرەت رەسول داوای کرد لەرۆژی دەنگدان بە گڕوتینەوە بەشداری بکەن و دەنگ بە کاندیدانی لیستی ١٤٢ی "ھاوپەیمانی کەرکووک ھێزو ئیرادەمانە بدەن".