وەزارەتی کارەبا: بەھۆی گرفتی تەکنیکی کوژانەوەی گشتی لە کارەبای ھەرێم روویداوە

2023-12-01   |  
فۆتۆ: 
کوردسات نیوز
وەزارەتی کارەبای ھەرێم روونکردنەوەیەکی بڵاوکردەوە و رایگەیاند، سەرقاڵی چارەسەرکردنی کوژانەوەی کارەبای گشتین لە ھەرێمی کوردستان.

وەزارەتی کارەبای ھەرێم بڵاویکردەوە، بەھۆی گرفتێکی تەکنیکی کوژانەوەی گشتی لە سیستمی کارەبای ھەرێم روویداوە، ئاماژەی بەوەشدا، ئێوارەی رۆژی پێنجشەممە بەھۆی گرفتێکی تەکنیکییەوە تەواوی یەکەکانی بەرھەمھێنانی کارەبای ھەرێم کوژانەوە، بەڵام تیمەکانی وەزارەت دەستبەجێ کێشەکەیان چارەسەرکرد. 

بەڵام بۆ جاری دووەم لە سەعات یەکی شەو کوژانەوەی گشتی روویدا و ئێستا تیمەکانی کارەبای ھەرێم سەرقاڵی ئاساییکردنەوەی دۆخەکەن و بەمنزیکانە چارەسەر دەکرێت. 

پێشتریش، ئەندازیار غالب بەڕێوەبەری کۆنترۆڵ و گەیاندنی کارەبای سلێمانی بڵاویکردەوە، لە سەعات چواری بەیانی ئەمڕۆوە و بەھۆکارێکی نادیار، کوژانەوەی گشتی لە تۆڕی کارەبای ھەرێمی کوردستان روویداوە. وتیشی، لە ناو شاری سلێمانی ھیچ شوێنێک کارەبای نییە و لایەنی پەیوەندیدار لە ھەوڵی چارەسەرکردنی کێشەکەدان.