سروە محەمەد: کێشەی کەمی دەفتەری پاسپۆرتی سلێمانی چارەسەر دەکرێت

2023-09-22   |  
فۆتۆ: 
هادی
ئەندامێکی ئەنجومەنی نوێنەران دەڵێت، کێشەی کەمی دەفتەری پاسپۆرت لەسلێمانی چارەسەر دەکرێت و رۆژی پێنج شەمەی رابردوش نزیکەی چوار ھەزار دەفتەر گەیشتوەتە سلێمانی.

سروە محەمەد ئەندامی ئەنجومەنی نوێنەرانی عێراق رایگەیاند، بەمەبەستی چارەسەرکردنی کێشەکانی فەرمانگەکانی کارتی نیشتمانی و کارتی زانیاری و پاسپۆرت لە پارێزگاکانی سلێمانی و ھەڵەبجە و ئیدارە سەربەخۆکانی گەرمیان و ڕاپەڕین سەردانی بەڕێوبەرایەتی باری  شارستانی عێراقیان کردوە.

راشیگەیاندوە، بە ڕەزامەندی وەزیری ناوخۆی عێراق چارەسەری کێشەی ١٩ تۆماری کاتی رەگەزنامەی ھاووڵاتییان و ئەنفالکراوان دەکرێت کە وەزارەتی ناوخۆی ھەرێم ئەو تۆمارانەی داناوە بۆ ئەو ھاووڵاتیانەی بەھەر ھۆکارێک نەیانتوانیوە سەردانی خواروی عێراق بکەن لەسەردەمی ڕژێمی بەعس.

سەبارەت بە دەفتەری پاسپۆرتیش ئاماژەی بۆ ئەوەکرد، کێشەکە چارەسەر کراوە رۆژی پێنج شەممە سێ ھەزار و ٦٠٠ دەفتەر گەیشتوەتە شاری سلێمانی، ھەفتەی داھاتووش پێنج ھەزار دەفتەری تر دەگات.

 


 زۆرترین خوێندراو