تائێستا بەهۆی لافاوەكەی لیبیا 11 هەزار و 300 كەس گیانیان لەدەستداوە

2023-09-15   |  
فۆتۆ: 
کوردسات نیوز
ئاماری گیانلەدەستدان بەھۆی لافاوەکەی رۆژھەڵاتی لیبیا بەڕێژەیەکی بەرچاو بەرزبووەوە و گەیشتە زیاتر لە ١١ ھەزار کەس و زیاتر لە ١٠ ھەزار کەسیش بێسەروشوێنن.

مانگی سووری لیبی بڵاویکردەوە، بەھۆی زریانی دانیاڵ کە شاری دەرنەی گرتەوە، تائێستا ١١ ھەزار و ٣٠٠ کەس گیانیان لەدەستداوە و گەڕانی تیمەکانی فریاگوزاریش بەدوای ئەو کەسانەی گیریانخواردوووە و یان بێسەروشوێنبوون بەردەوامە.

لە لایەکی ترەوە سەرۆکی شارەوانی دەرنە رایگەیاند، پێشبینیدەکەن ژمارەی گیانلەدەستدان بۆ زیاتر لە ٢٠ ھەزار کەس بەرزببێتەوە.

ھاوکات تائێستا زیاتر لە ١٠ ھەزار کەسیش بێسەروشوێنن و زیاتر لە ٣٠ ھەزار کەسیش بێماڵ و حاڵبوون و پێویستیان بە کۆمەک و ھاوکاریی مرۆیی بە پەلەیە.

زریانی دانیاڵ ماوەی ٤ تا ١٢ی ئەم مانگەی خایاند و بەھۆی بارانبارینی زۆر و قوڕ و لیتەوە شاری دەرنەی لیبیا دووچاری کارەساتێکی گەورەی مرۆیی بووەوە.

 


 زۆرترین خوێندراو