تەندروستی

عێراق پارە بۆ کڕینی ڤاکسینی کۆرۆنا تەرخان دەکات


ئەنجومەنی وەزیرانی عێراق ١٠٠ ملیۆن دۆلار بۆ کڕینی ڤاکسینی کۆرۆنا تەرخان دەکات. 

"حەیدەر مەجید" وتەبێژی ئەمیندارێتی گشتی ئەنجومەنی وەزیرانی عێراق رایگەیاند، بە ھەماھەنگی وەزارەتی دارایی و پلاندانان لەگەڵ بانکی نێودەوڵەتی، ١٠٠ ملیۆن دۆلار بۆ کڕینی ڤاکسینەکانی دژ بە کۆرۆنا لە پارەی بانکی نێودەوڵەتی تەرخان دەکرێت. 

ھاوکات "وەفا شمەری" ئەندامی لیژنەی تەندروستی لە ئەنجومەنی نوێنەرانی عێراق رایگەیاند، لە چەند رۆژی داھاتوودا ڤاکسینی کۆرۆنا دەگاتە عێراق و وەزارەتی تەندروستی رێکاری پێویستی گرتووەتەبەر. 

وتیشی ڤاکسین بەسەر ھەموو چین و توێژەکان و ھەژاران  دابەش دەکرێت، دواکەوتنی گەیشتنی ڤاکسینیش لە بەرژەوەندیاندا نابێت. 


2 مانگ پێشتر - Jan 31 2021 3:06PM
Print Friendly and PDF
زیاتر