تەندروستی

تیمی رێكخراوی تەندروستی جیهانی لە ووهان كارەكانی دەستپێكرد


لە شاری ووهانی چین تیمی ڕێكخراوی تەندروستی جیهانی بۆ لێكۆڵینەوەی لە سەرهەڵدانی ڤایرۆسی كۆرۆنا كارەكانی دەستپێدەكات و سەردانی تاقیگەو بازاڕونەخۆشخانەكانی شارەكە دەكات.

ڕێكخراوی تەندروستی جیهانی ڕایگەیاند، ئەو تیمەی دوو هەفتە لەمەوبەر بۆ لێكۆڵینەوە لەسەر هەڵدانی كۆرۆنا نێردراوەتە شاری ووهان، ماوەی كەرەنتینەی تەواو بووەو سەردانە مەیدانییەكانی لەشارەكەدا دەستپێكردووە كە پەیمانگای ووهان بۆ زانستی ڤایرۆسەكان و بازاری هوانان  و سەنتەری ووهان بۆ بەرەنگاربوونەوەی نەخۆشییەكان دەگرێتەوە.

ڕوونیشیكردووەتەوە،تیمەكە لە پسپۆڕانی سەربەخۆ پێكهاتووەو بڕیار بۆ دوو هەفتەی تر لە چین بمێننەوەو گفتوگۆش لەگەڵ كەسوكاری ژمارەیەك لە توشبووانی كۆرۆنا دەكەن.

هاوكات مایك رایان بەڕێوەبەری فریاگوزاری ڕێكخراوی تەندروستی جیهانی رایگەیاندوە، هیچ گەرەنتییەك نیە بۆ گەیشتن بە وەڵامەكان لەبەر ئەوەی ئەركەكە زەحمەتە.



3 مانگ پێشتر - Jan 29 2021 11:21AM
Print Friendly and PDF
زیاتر