عێراق

لە کەرکوک و دیالە ٨ تیرۆرستی داعش دەستگیر کران


لە کەرکوک و دیالە ٨ تیرۆرستی داعش دەستگیرکران، کە بەرپرسیارێتیی پەلامارە تیرۆیستییەکانی  ئەم دواییەی ناحیەی گوڵاڵە و کێڵگەکانی نەوتی کەرکوکیان رووبەروو کراوەتەوە.

دەزگای ھەواڵگری عێراق لە پارێزگای دیالە رایگەیاند، ٣ تیرۆیستی داعشیان دەستگیرکردووە کە بەشداربوون لە ئەنجامدانی پەلامارە تیرۆریستییەکەی گەڕەکی ئاشتی لە ناحیەی گوڵاڵە و پەلاماردانی وێستگەی کارەبای سەید جابر. 

دەزگای ئاسایشی نیشتمانیی عێراقیش رایگەیاند، ٥ تیرۆریستی داعشیان لە پارێزگای کەرکووک دەستگیر کردووە و دانیان بەوەداناوە کە بەشدارییان لە چەندین پەلاماری تیرۆریستی بۆ سەر گوندی بەشیر لە باشووری پارێزگای کەرکووک و پاڵاوتگەی نەوتی بێجی کردووە. 

لەلایەکی ترەوە، ماوەی چەند رۆژێکە ھاوپەیمانان لە رێگەی فڕۆکەی بێفرۆکەوان مۆڵگەکانی داعش لە سنووری پەڵکانە و قۆریچای لە سنووری قەزای کفری بۆردومان دەکەن، تائێستا ژمارەیەک چەکداری داعش کوژراون و ژمارەیەکیشیان بەرەو ناوچەی حەمرین ھەڵاتوون.



مانگ پێشتر - Jan 23 2021 10:23PM
Print Friendly and PDF
زیاتر