کوردستان

ھۆشداری لە رەوشی ئەمنی کەمپی ھۆڵ لە رۆژئاڤا دەدرێت


رێکخراوی نەتەوەیەکگرتووەکان ھۆشداری دەدات لە رەوشی ئەمنی کەمپی ھۆڵ لە رۆژئاڤای کوردستان.

جەینس لایکر وتەبێژی رێکخراوی نەتەوەیەکگرتووەکان بۆ کاروباری مرۆیی رایگەیاند، رەوشی ئەمنی کەمپی ھۆڵ لە لە حەسەکە ناجێگیرەو ژیانی ستافی رێکخراوە مرۆییە نێودەوڵەتییەکانیش لەژێر ھەڕەشەدایە.

ئاماژەی بۆ ئەوەکرد، تاوانی کوشتن و رفاندن لە ناو کەمپەکە زیادیان کردووە و لەماوەی کەمتر لە یەک مانگ، ١٢  تاوانی کوشتن ئەنجامدراوە، کە زۆرینەیان ئاوارەی عێراقی بوون.
ئەو لێپرسراوەی رێکخراوی نەتەوەیەکگرتووەکان باسی لەوەشکردووە، زۆرینەی ئەو ئاوارانەی کوژراون ھاوکاری ھێزە ئەمنییەکانی رۆژئاوایان کردووە.

ھێزەکانی سوریای دیموکراتیش زانیارییەکانیان پشتڕاستکردووەتەوەو رایانگەیاندووە، لەناو کەمپەکە ٧٠ ھەزار کەس ھەیە کە بەشێکیان پێشتر لەناو داعش بوون و تاوانی تیرۆریستیان ئەنجام داوە.



مانگ پێشتر - Jan 23 2021 9:18PM
Print Friendly and PDF
زیاتر