جیهان

ئێران و کوبا سەرقاڵی پەرەپێدانی ڤاکسینێکی دژی کۆرۆنان


وەزارەتی تەندروستی ئێران ئاشکرایکرد، لەگەڵ کوبا سەرقاڵی پەرەپێدانی ڤاکسینێکی دژی ڤایرۆسی کۆرۆنان.

وەزارەتی تەندروستی ئێران، ئاماژەی بەوەکرد، بڕیارە پێش بەڕێوەچوونی جەژنی نەورۆز، قۆناغی سێیەمی تایبەت بە دروستکردنی ڤاکسینی دژی کۆرۆنا بە ھاوبەشی لەگەڵ حکومەتی کوبا، دەستپێبکەن.

روونیشیکردەوە، قۆناغی یەکەم و دووەمی پەرەپێدانی ڤاکسینە ھاوبەشەکە، لە کوبا تاقیکراوەتەوە و لە قۆناغی سێیەمیشدا، نزیکەی ٣٠ تا ٤٠ ھەزار کەس لە کوبا و ئێران، ڤاکسینەکەیان پێدەدرێت.

وەزارەتی تەندروستی ئێران، باسی لەوەشکرد، ئەو وڵاتە مێژوویەکی دورودرێژی لە بەرھەمھێنانی ڤاکسین ھەیە و نزیکەی ١٠٠ ساڵ بەرلەئێستا، ڤاکسینی بەرھەمھێناوە.



مانگ پێشتر - Jan 23 2021 4:32PM
Print Friendly and PDF
زیاتر