جیهان

مانگی داهاتوو سەرۆكی ئەمریكا و سەرۆك وەزیرانی كەنەدا كۆدەبنەوە


(جۆو بایدن) سەرۆكی ئەمریكا و (جەستن ترودۆ) سەرۆك وەزیرانی كەنەدا، بە نیازن لە مانگی داهاتوودا كۆبوونەوەی لوتكە، ئەنجام بدەن.

نوسینگەی سەرۆك وەزیرانی كەنەدا، بڵاویكردەوە، (جەستن ترودۆ) سەرۆك وەزیرانی ئەو وڵاتە، لە پەیوەندییەكی تەلەفۆنیدا لەگەڵ (جۆو بایدن) سەرۆكی ئەمریكا، گفتوگۆیان لە بارەی یەكخستنی هەوڵەكان بۆ ڕووبەڕووبوونەوەی ڤایرۆسی كۆرۆنا لە ئەمریكای باكور و پتەوكردنی پەیوەندییەكانی نێوان هەردوو وڵات لە سەرجەم بوارەكاندا، كردووە.

لە پەیوەندییە تەلەفۆنییەكەدا، سەرۆك وەزیرانی كەنەدا و سەرۆكی ئەمریكا، ڕێکكەوتوون لەسەر ئەنجامدانی كۆبوونەوەیەك لە مانگی داهاتوودا.

دوابەدوای دەستبەكاربوونی وەك سەرۆكی نوێی ئەمریكا، (جەستن ترودۆ) سەرۆك وەزیرانی كەنەدا، یەكەم سەركردەیە، پەیوەندی تەلەفۆنی لەگەڵ جۆو بایدن، ئەنجام بدات.

مانگ پێشتر - Jan 23 2021 2:20PM
Print Friendly and PDF
زیاتر