جیهان

زەریف: تاران ئامادەیە بۆ چارەسەركردنی كێشەكان دانوستان لەگەڵ وڵاتانی كەنداو بكات


وەزیری دەرەوەی ئێران ڕایگەیاند: تاران ئامادەیە بۆ چارەسەركردنی كێشە و ئاڵۆزییەكان لە ناوچەكەدا، دانوستان لەگەڵ وڵاتانی كەنداو، بكات.

محەمەد جەواد زەریف وەزیری دەرەوەی ئێران، ڕایگەیاند: حكومەتی تاران رەزامەندی لەسەر پێشنیارێكی حكومەتی قەتەڕو كوەیت نیشانداوە سەبارەت بە   دانوستان لەگەڵ وڵاتانی كەنداو، بە ئامانجی چارەسەركردنی ناكۆكییەكانی نێوانیان.

بەوتەی وەزیری دەرەوەی ئێران، میری پێشووی كوەیت پێشنیاری دانوستانی وڵاتانی كەنداو و ئێرانی كردبوو، بەڵام لەگەڵ دەستبەكاربوونی دۆناڵد ترەمپ لە كۆشكی سپی، وڵاتانی كەنداو پرسی بەڕێوەچوونی دانوستانیان لەگەڵ تاران، دواخست.

وتیشی: وڵاتانی كەنداو چوارساڵ پێش ئێستا هەلی ئەنجامدانی گفتوگۆیان لەگەڵ ئێران لەدەستدا، ئێستاش ترەمپ كۆشكی سپی جێهێشتووەو ئێمەو وڵاتانی كەنداو ماوینەتەوە، هەر لەو روانگەیەوە پێویستە كێشەكان لەڕێی دانوستان، چارەسەر بكرێن.




مانگ پێشتر - Jan 22 2021 9:56PM
Print Friendly and PDF
زیاتر