لیژنەی دارایی: بەمنزیکانە وەزیری دارایی عێراق بانگھێشتی ئەنجومەنی نوێنەران دەکرێت
2023-02-01
|
کوردسات نیوز
لیژنەی دارایی لە ئەنجومەنی نوێنەرانی عێراق رایگەیاند، ئامادەکاری دەکرێت بۆ بانگھێشتکردنی وەزیری دارایی و زیاتر لە ٢٠ پرسیاری لێدەکرێت، پێشبینیشدەکەن کۆتایی ئەم مانگە یاخود سەرەتای مانگی داھاتوو پڕۆژەیاسای بودجە بگاتە دەستیان.
"موزر ئەلکرەوی" ئەندامی لیژنەی دارایی لە ئەنجومەنی نوێنەران رایگەیاند، بەمنزیکانە و بەر لە گەیشتنی پڕۆژەیاسای بودجە، میوانداری "تەیف سامی" وەزیری دارایی عێراق دەکەن و زیاتر لە ٢٠ پرسیاری لێدەکرێت سەبارەت بە خاڵەکانی پڕۆژەیاسای بودجە و نرخی بەرمیلێک نەوت و بەھای دۆلار و چەندین بابەتی تر.
وتیشی، پێدەچێت کۆتایی مانگی شوبات یاخود سەرەتای مانگی ئاداری داھاتوو پڕۆژەیاسای بودجەی ساڵی ٢٠٢٣ بگاتە ئەنجومەنی نوێنەران، ئەگەریش لیژنە ناوەندییەکان کارەکانیان تەواوکرد رەنگە بەر لەو وادەیەش بگات.
|