جیهان

چین ناوچەیەك كەرەنتین دەكات كە نزیكەی ٥ ملیۆن كەسی تێدایە


بەهۆی بەرزبوونەوەی ڕێژەی تووشبوون بە ڤایرۆسی كۆڤید-١٩ لە هەرێمی (هیلۆنگجیانگ) لە باكوری خۆرهەڵاتی چین دەسەڵاتداران كەرەنتینەی گشتییان لەو شارە ڕاگەیاند. دەسەڵاتداران كەرەنتینەیان لە ناوچەی (سویهوا) ڕاگەیاند كە نزیكەی ٥ ملیۆن كەسی تێدا دەژی.

بە گوێرەی بڕیارەكە قەدەغەی هاتووچۆی ئۆتۆمبێل و كەسەكان لە ١٢ی كانوونی دووەمەوە كەوتووەتە بواری جێبەجێكردنەوە . بە پێی ئەو بڕیارە دەسەڵاتدران ڕێگە بە هیچ كەسێك نادەن لە گەڕەكەكانیان بێنە دەرەوە و ڕۆژانە پێداویستیەكانیان پێدەگەیەنن.

فەرمانبەرانی نەهێشتنی پەتاكان و پاراستن لێیان بە بەردەوامی لە دەروازەی هەموو گەڕەكەكاندا چاودێری كارەكانی قەدەغەكردنی هاتووچۆ دەكەن و لەسەر تابلۆی گەورە بە ڕەنگی سوور نوسراوە هاتنە ناوەوەی خەڵك و ئۆتۆمبێل لە دەرەوە بۆ ناو گوندەكە قەدەغەیە.

دەسەڵاتداران ڕاشیانگەیاندووە کە لە ناوچەی (هیلۆنگیانگ) ٦٨ حاڵەتی نوێی تووشبوون بە ڤایرۆسی كۆرۆنا تۆمار كراوە بە بێ ئەوەی نیشانەكانیان تووشبوونیان لەسەر دەركەوێت.

مانگ پێشتر - Jan 22 2021 2:09PM
Print Friendly and PDF
زیاتر