جیهان

لە ئێران و خۆرهەڵاتی كوردستان پڕۆسەی خوێندن دەستپێدەكاتەوە


دوای (٩) مانگ لە داخستنی خوێندنگەكان بە هۆی تەشەنەكردنی ڤایرۆسی كۆرۆنا و زیادبوونی ئاماری قوربانییەكان، بڕیارە ڕۆژی شەممە  لە ئێران و خۆرهەڵاتی كوردستان پڕۆسەی خوێندن دەستپێبكاتەوە.

وەزیری پەروەردەی ئیران ڕایگەیاند: لە ژێر چاودێری چڕی تەندروستی و جێبەجێكردنی ڕێكارەكان، ڕۆژی شەممە پڕۆسەی خوێندن لە سەرتاسەری وڵات جگە لە چەند ناوچەیەك كە هێشتا لەناو هێلی سورن، پڕۆسەی خوێندن دەستپێدەكاتەوە، وەزیری پەروەردە كەسوكاری خوێندكارانیشی سەرپشك كردووە، بۆ ناردنەوەی منداڵەكانیان بۆ ناو خوێندگەكان.

(سەعید نمەكی)، وەزیری تەندروستی ئێرانیش ڕایگەیاند: سەرەڕای كەمبوونەوەی ئامارەكان، بەڵام هێشتا مەترسییەكانی ڤایرۆسی كۆرۆنا دەبینین، وتیشی تا كۆتایی ئەم مانگە كوتانی ڤاكسینی كۆرۆنا بۆ گروپە سەرەكییەكان دەستپێدەكات.

مانگ پێشتر - Jan 22 2021 11:09AM
Print Friendly and PDF
زیاتر