کوردستان

ئیسڕائیل چەند ئامانجێكی تری لەناو خاكی سوریادا بۆردوومان كرد


ئاژانسی هەواڵی ڕەسمیی سوریا (سانا) ڕایگەیاند هێزی بەرگریی ئاسمانیی سوپای سوریا بەرپەرچی هێرشێكی ئاسمانیی ئیسڕائیلی داوەتەوە كە پارێزگای (حەما) ی لە ناوەندی ئەو وڵاتە كردووەتە ئامانج.

(سانا) لە زاری كاربەدەستێكی سەربازیی سوریاوە ئاماژەی بەوەكردووە ئیسڕائیل سەرلەبەیانیی ڕۆژی هەینی چەند موشەكێكی لە كایەی ئاسمانیی شاری تەرابڵوسی لوبنانەوە ئاڕاستەی چەند ئامانجێك كردووە لە دەوروبەری شاری حەما، و لەلایەن بەرگریی ئاسمانیی سوریاوە زۆربەی موشەكەكان تەقێنراونەتەوە، بەرلەوەی ئامانجەكانیان بپێكن. تا ئێستا هیچ زانیاریەك سەبارەت بە زیانە مرۆیی مادیەكانی ئەو هێرشەی ئیسڕائیل بڵاونەكراوەتەوە.



مانگ پێشتر - Jan 22 2021 10:01AM
Print Friendly and PDF
زیاتر