کوردستان

لە هەرێمی كوردستان پلەكانی گەرما بۆ ژێر سفر دادەبەزن


بەڕێوەبەرایەتی كەشناسی و بومەلەرزەزانی هەرێمی كوردستان ڕایگەیاند: ڕەوشی كەشوهەوا و پلەكانی گەرما لە پارێزگاكانی هەولێر و سلێمانی‌ و دهۆك بۆ ژێر سفر دادەبەزن و ڕێگەی سەرەكی چەند ناوچەیەكیش دادەخرێن.

بەهۆی دابەزینی پلەكانی گەرماوە، بەڕێوەبەرایەتی هاتوچۆی پارێزگاكانی سلێمانی و هەڵەبجە و سنوری حاجی ئۆمەران لە ڕاگەیەنراوێكدا ئاگاداری شۆفێران دەكەنەوە‌ حاڵەتەكانی بەستنی شەقام‌ و ڕێگە‌وبانەكان هەیە و داواش دەكەن جوڵەی ئۆتۆمبیل كەم بكەنەوە بە تایبیەت لە شەودا بۆ دووركەوتنەوە لە ڕووداوی نەخوازراو.

هاوكات لە شارۆچكەی پێنجوێنیش بەهۆی بارینی بەفرێكی زۆرەوە لە ئێستادا شۆفێران ئۆتۆمبێل لە سنوورەكە كەمتر بەكاردەهێنن، لە سنوری هەورامانیش بە هۆی داڕمانی بەفرەوە چەند ڕێگەیەك داخراون.

مانگ پێشتر - Jan 22 2021 9:27AM
Print Friendly and PDF
زیاتر