عێراق

مستەفا كازمی ژمارەیەك بەرپرسی وەزارەتی ناوخۆی دوورخستەوە


مستەفا كازمی سەرۆك وەزیرانی عێراق لە دوای كردەوە خۆكوژییەكانی بەغداد گۆڕانكاری گەورەی لە دەزگا ئەمنییەكاندا كرد و ژمارەیەك بەرپرسی باڵای لە وەزارەتی ناوخۆ و دەزگای هەواڵگری دوورخستەوە.

سەرۆك وەزیرانی عێراق،  برٍیاریدا بە دوورخستنەوەی بریكاری وەزیری ناوخۆ بۆ كاروباری هەواڵگری و بەڕێوەبەری گشتی هەواڵگری و بەرەنگاربوونەوەی تیرۆر لە وەزارەتی ناوخۆ و فەرماندەی پۆلیسی فیدراڵی و بەڕێوەبەری بەشی هەواڵگری لە ئۆپراسیۆنەكانی بەغداد هەروەها فەرماندەی ئۆپراسیۆنەكانی بەغدادیی گواستەوە بۆ وەزارەتی بەرگری .

لە دوو كردەوەی خۆكوژیدا لە گۆڕەپانی "تەیەران" و ناوچەی "بابلشەرقی"، كە ٢ ناوچەی میللیین لە شاری بەغداد، ٣٢ كەس كوژراون و ١١٠ كەسیش برینداربوون، كە نزیكەی ٤٠ لە بریندارەكان كارمەندی تەندروستی بوون.

تەقینەوەكانی بەغداد كاردانەوەی فراوانیان لەسەر ئاستی ناوخۆ و دەرەوەی عێراق، لێكەوتەوە و دەزگا ئەمنییەكانیش لێكۆڵینەوەیان لە ڕووداوەكە دەستپێكردووە.



مانگ پێشتر - Jan 22 2021 9:12AM
Print Friendly and PDF
زیاتر