جیهان

چین سزا بەسەر ٢٨ کەسایەتی ئەمریکیدا دەسەپێنێت


حکومەتی چین سزا بەسەر ٢٨ ھاوڵاتی ئەمریکی دەسەپێنێت، کە دیارترینیان وەزیری دەرەوەی سەردەمی ئیدارەکەی دۆناڵد ترامپە.

وەزارەتی دەرەوەی چین، لە راگەیاندراوێکدا بڵاویکردەوە، لەماوەی ساڵانی رابردوودا لێپرسراوانی واشنتۆن بەشێویەکی ئاشکرا دژایەتی چینیان کردووە و بەرژەوەندییە ھاوبەشەکانی نێوان ئەمریکا و چینیان خستووەتە مەترسییەوە.

لە راگەیاندراوەکەدا ئاماژە بەوەشکراوە، بەتۆمەتی تێوەگلانیان لە چەند دۆسێیەکی دژی حکومەتی چین، حکومەتی ئەو وڵاتە بڕیاریدا سزا بەسەر ٢٨ کەسایەتی ئەمریکادا بسەپێنێت، کە دیارترینیان مایک پۆمپیۆ وەزیری پێشووی دەرەوە و پیتەر ناڤارۆ راوێژکاری بازرگانی دۆناڵد ترامپە.

پێشتر لەسەردەمی ئیدارەی دۆناڵد ترامپدا، وەزارەتی گەنجینەی ئەمریکا زنجیرەیەک سزای بەسەر لێپرسراوانی حکومەتی چین و ژمارەیەک کۆمپانیای ئەو وڵاتەدا، سەپاندبوو.



مانگ پێشتر - Jan 21 2021 1:44PM
Print Friendly and PDF
زیاتر