عێراق

بودجەی ماددەی ١٤٠ لە پڕۆژە یاسایی بودجەی ٢٠٢١ بە رێژەیەکی زۆر کەمکراوەتەوە


بودجەی ماددەی ١٤٠ لە پڕۆژە یاسایی بودجەی گشتی  عێراق بە رێژەیەکی زۆر کەمکراوەتەوەو فراکسیۆنی یەکێتیش داوای زیادکردنی دەکات.

"دیلان غەفور"ئەندامی فراکسیۆنی یەکێتی لە ئەنجومەنی نوێنەران بە کوردسات نیوزی ڕاگەیاند، ماددەی ١٤٠ ماددەیەکی دەستورییە و نەخشە ڕێگەیەکە بۆ چارەسەرکردنی ئەوکێشانەی لە سەردەمی ڕژێمی پێشوو دروست بوون.

وتیشی، لە بودجەی ٢٠٢١ دا ، بڕی ١٢ ملیار و ٥٠٠ ملیۆن دینار بۆ ماددەی ١٤٠ و قەربووکردنەوەی ئەو خێزانانە دیاریکراوە کە ماددەکە دەیان گرێتەوە، لە کاتێکدا لە ساڵی ٢٠١٩ دا بڕی ٥٠ ملیار دینار بۆ ماددەی ١٤٠ تەرخان کرابوو.

ڕاشیگەیاند، فراکسیۆنی یەکێتی بە نوسراوی ڕەسمی داوایکردوە ، بڕی بودجەی ماددەی ١٤٠ لە پڕۆژە یاسای ٢٠٢١ زیادبکرێت، بەمبەستی ئاسایی کردنەوەی رەوشی ناوچە دابڕێنراوەکان.

جەختی لەوەشکردەوە، ئەو بڕە پارەیەیی بۆ ماددەی ١٤٠ تەرخانکراوە، بەبەراوورد بە چاوەڕوانکردنی ئەو خێزانانەی لە ساڵی ٢٠٠٣ وە چاوەڕوانی ئەوەن پارەی قەرەبووکردنەوەی زیانەکان وەربگرن.



مانگ پێشتر - Jan 20 2021 12:22PM
Print Friendly and PDF
زیاتر