جیهان

ماكرۆن: بەردەوامی دەدەین بە هەوڵەكان بۆ بەرەنگاربونەوەی داعش لە عێراق و سوریا


ئیمانوێل ماكرۆن سەرۆكی فەرەنسا دوپاتیكردەوە كە وڵاتەكەی بەردەوامیی دەدات بە هەوڵەكانی بۆ بەرەنگاربونەوەی داعش لە عێراق و سوریا .

ماكرۆن لە تویتەر نوسیویەتی ، لە چوارچێوەی هاوپەیمانی نێودەوڵەتیدا ، سەربازەكانی فەرەنسا بەردەوام دەبن لە بەرەنگاربونەوەی داعش و نكوڵیش ناكرێت لەوەی  داعش ئەو دوژمنەیە كە ئارەزوویەكی زۆری بۆ زیان گەیاندن هەیە و پێویستە بەردەوامی بدەن بە هەوڵەكانیان بۆ بەرەنگاربونەوەی .

سەرۆكی فەرەنسا باسیشی لە رۆڵی سوپای وڵاتەكەی كردوە لە خۆرهەڵاتی ناوەراست و رایگەیاندوە ، لە لوبنان سوپاكەیان هاوكارە لە پاراستنی ئاشتی ئەوەش لە چوارچێوەی بەشداریكردنێكی گەورە لەو هێزەی نەتەوە یەكگرتوەكان لەو وڵاتە هەیەتی ، لە زەریای هندی و كەنداویش لە هێڵی روبەروبونەوەن بۆ رێگریكردن لە گرژی و بەرپاكردنی سەقامگیری  ..



مانگ پێشتر - Jan 20 2021 11:35AM
Print Friendly and PDF
زیاتر