ئابوری

لە مانگی ڕابردوودا داھاتی نەوتی عێراق زیاتر لە چوار ملیار دۆلار بووە


وەزارەتی نەوتی عێراق لە مانگی رابردوودا زیاتر لە ٨٨ ملیۆن بەرمیل نەوتی ھەناردەکردووەو داھاتەکەشی زیاتر لە ٤ ملیار دۆلار بووە.

 وەزارەتی نەوتی عێراق بڵاویکردەوە، لە کانونی یەکەمی ساڵی رابردوودا ٨٨ ملیۆن و ٢١١ ھەزار و ٧٥٠ بەرمیل نەوت ھەناردە کراوە، داھاتەکەشی ٤ ملیار و ٢٣٥ ملیۆن و ٣١٣ ھەزار دۆلار بووە.

ڕونیشیکردووەتەوە، زیاتر لە ٣ ملیۆن و ١٦ ھەزار بەمیل لە کێلگە نەوتییەکانی کەرکوکەوە ھەناردەی بەندەی جەیھانی تورکیا کراوەو داھاتەکەشی زیاتر لە ١٤٦ ملیۆن و ٢٧٢ ھەزار دۆلار.

 وەزارەتی نەوتی عێراق ڕاشیگەیاندووە، ٣١ کۆمپانیای جیھانی لە ماوەی ئەو مانگەدا نەوتیان لە عێراق کڕیوە

عێراق دووەمین گەورەترین بەرھەمھێنی نەوتە لە ڕێکخراوی "ئۆپیک" و رۆژانە و لە کاتی ئاساییدا نزیکەی ٤.٦ ملیۆن بەرمیل  نەوت بەرھەم دەھێنێت.



مانگ پێشتر - Jan 19 2021 5:39PM
Print Friendly and PDF
زیاتر
123