تەندروستی

ڕێژەی چاكبوونەوە و تێپەڕاندنی كۆرۆنا لە عێراق بەشێوەیەكی بەرچاو زیادی كردوە


وەزیری تەندروستی عێراق ئاشكرایكرد: ڕێژەی چاكبوونەوەو تێپەڕاندنی ڤایرۆسی كۆرۆنا لە عێراق، بەشێوەیەكی بەرچاو زیادی كردوە.

حەسەن تەمیمی وەزیری تەندروستی عێراق، ڕایگەیاند: دامەزراوە تەندروستییەكان تا رادەیەكی باش كۆنتڕۆڵی ڤایرۆسی كۆرۆنایان لە عێراقدا كردووەو بەپێی دوایین ئامار، رێژەی چاك بوونەوەو تێپەڕاندنی ڤایرۆسەكە، زیاتر  ٩٣٪ ەیە.

وەزیری تەندروستی عێراق، لە بەشێكی تری لێدوانەكەیدا ڕوونیشیكردەوە: سكاڵاو ڕێوشوێنی یاسایی لەبەرامبەر ئەو كەناڵ و لایەنانە دەگرنەبەر كە بەبێ‌ گەڕانەوە بۆ وەزارەتی تەندروستی، هەواڵ و زانیاری تایبەت بە ڤایرۆسی كۆرۆنا لە عێراق، بڵاوبكەنەوە.

حەسەن تەمیمی بەپێویستی زانی لەم قۆناغەشدا، هاوڵاتیان پابەندی رێكارە تەندروستییەكان بن و لەناوچە قەرەباڵغەكاندا، كەمامە بەكار بهێنن.



مانگ پێشتر - Jan 18 2021 11:25AM
Print Friendly and PDF
زیاتر