هەمەڕەنگ

گەنجێكی خاوەن پێداویستی تایبەت سەركێشییەكی گەورە تۆمار دەكات


"لای چی وەی "گەنجێكە كە توانای ڕۆیشتنی نیە و لە هەرێمی هۆنكۆنگ دەژی ئەو گەنجە لە سەركێشییەكی گەورەدا بەمەبەستی كۆكردنەوەی پاڵپشتی دارایی بۆ نەخۆشییەكانی دركە پەتك بە كورسییەوە بەسەر بینایەكی ٢٥٠ مەتریدا سەركەوت بەوەش بووە یەكەم كەس لە هۆنكۆنگ كە ئەو سەركێشییە دەكات.

گەنجەكە نزیكەی ١٠ سەعاتی پێچووە تا توانیویەتی بگاتە نهۆمەكانی سەرەوەی بیناكە بە درێژرایی ماوەی ئەو ١٠ سەعاتە هەوڵی داوە بەسەر كورسییەوە بە پەت بەسەر ڕووی بیناكەدا سەربكەوێت .

ئەوەی جێی سەرنجە ، گەنجەكە تەمەنی ٣٧ ساڵە  پێشتر شاخەوان بووە ١٠ ساڵ لەمەوبەر لە ڕووداوێكی هاتوچۆدا توشی پەك كەوتن بووەو ئێستا جەستەی لە خوار كەمەرییەوە كار ناكات .

گەنجەكە دوای ئەوەی كارەكەی ئەنجام داوە قسەی بۆ میدیاكان كردووە ڕیگەیاندووە،كە زۆرترساوە لەسەر كەوتن بەسەرئەو باڵەخانە چونكە دەست گرتن بە شوشەوە بۆ ئەوەی بگەیتە سەر ڕووی بیناكە هەرگیز كارێكی ئاسان نییە  و دەشڵێت بەهەموو توانایەوە خۆی بەو پەتەوە بەستووە كە بۆ گەیشتن بۆ سەر ڕووی بیناكە بەكاری هێناوە ، بەو سەركێشییە "لای چی وەی" توانی بری ٦٧٠ هەزار دۆلار كۆبیكاتەوە بۆ ئەو توێژینەوانەی كە لەبارەی نەخۆشییەكانی دركە پەتكەوە دەكرێن .

لای پێشتر چوار جار وەك پاڵەوانی ئاسیا بۆ سەركەوتن بەسەر شاخدا دەستنیشان كراوە لەسەر ئاستی جیهانیش لە پلەی هەشتەمدا بووە .

لە دوای ئەوەی توشی رووداوی هاتوچۆ بووە كۆڵی نەداوەو سەرباری ئەوەی كە لەسەر كورسییە دەستبەرداری خەونی سەركەوتن بەسەر چیاو باڵەخانە هەور برەكاندا نەبووە و لە ساڵی ٢٠١٥ بەسەر تاوەرێكدا سەركەوت كە بەرزییەكەی ٤٩٥ مەتر بوو.



مانگ پێشتر - Jan 18 2021 10:12AM
Print Friendly and PDF
زیاتر
12