هەمەڕەنگ

ژنێكی ١٠١ ساڵ لە ئەڵمانیا ڤاكسینی كۆرۆنا وەردەگرێت


لە حاڵەتێكی دەگمەندا ژنێكی تەمەن ١٠١ ساڵ لە ئەڵمانیا، وەك یەكەمین هاوڵاتی وڵاتەكەی دووەمین دۆزی ڤاكسینی كۆرۆنای وەرگرت.

ئەو ژنە بە تەمەنە ناوی (ئیدس كوایزالا)یە و لە ٢٦ی مانگی ڕابردوودا، دۆزی یەكەمی لە ڤاكسینی (فایزەر-بایۆنتیك) وەرگرت و وەك یەكەمین كەس لە ئەڵمانیا، دۆزی دووەمی هەمان ڤاكسینی پێدرا.

(ئیدس كوایزالا) كە تەمەنی ١٠١ ساڵە و لە شاری (هالبێرشتات)ی پایتەختی هەرێمی هارتس لە خۆرهەڵاتی ئەڵمانیا دەژی، دوای وەگرتنی دۆزی دووەمی ڤاكسینەكە ڕایگەیاند، ئەزمونی وەرگرتنی ڤاكسینی هەیە و لە جەنگی یەكەمی جیهانیدا، نەخۆشیەكانی وەك سورێژە بڵاوبوون و ڤاكسینەكانیان بەردەستبووە.

لە كۆتاییەكانی ساڵی ڕابردووەوە لە ئەڵمانیا، هەڵمەتی كوتان دژی ڤایرۆسی كۆرۆنا دەستیپێكردووە و تا ئێستا زیاتر لە ٧٥٠ هەزار كەس لە كۆی ٨٣ ملیۆن دانیشتووی ئەڵمانیا ڤاكسینی كۆرۆنایان وەرگرتووە.

مانگ پێشتر - Jan 16 2021 1:22PM
Print Friendly and PDF
زیاتر
12